عراق پر وسیع پیمانے پر تباہی پھیلانے والے ہتھیار حاصل کرنے کی کوشش کرنے کا الزام کچھ نیانہیں تھا لیکن جنوری 2003ء کے اسٹیٹ آف دی یونین خطاب میں سابق امریکہ صدرجارج بش کے وہ مشہور سولہ الفاظ کہ ”برطانوی حکومت کو حال ہی میں علم ہوا ہے کہ صدام حسین افریقہ نے افریقہ سےبھاری مقدار میں یورینیم حاصل کرنے کی کوشش کی ہے“،عراق پر امریکی قبضے کا باعث بنے۔ امریکی حملے سے قبل ہی امریکی خفیہ ادارہ سی آئی اے عراق کی جوہری صلاحیت کے بارے میں تحقیقات کررہا تھا۔ ویلیری پلیم ولسن جو کہ سی آئی اے کہ ایک خفیہ اہلکار تھیں ان تحقیقات میں شامل تھی ، ادارے میں ویلیری کی ذمہ داری جوہری ہتھیاروں کا پھیلاؤ روکنا تھا۔ فروری 2002ء میں سی آئی اے نے ایک اطلاع کہ عراق نے افریقی ملک نائیجر سے یورینیم خریدنے کا سودا کیا ہے، کی تفتیش کرنے کے لئے ویلیری پلیم ولسن کے شوہر جوزف ولسن کی خدمات حاصل کیں کہ وہ نائیجر جاکر اس معاملے کہ تحقیقات کریں ۔جوولسن ایک سابق امریکی سفارت کار ہیں جو کہ پہلی خلیجی جنگ کے دوران بغداد میں قائم مقام امریکی سفیر تھے اور بعد ازاں نائیجر میں بھی تعینات رہے۔ پہلی خلیجی جنگ کے دوران صدام حسین نے ان سمیت تمام غیر ملکی سفیروں کو دھمکی دی تھی کہ جو کوئی بھی غیر ملکیوں کو اپنے سفارت خانے پناہ دے گا اس کے سزا سزائے موت ہوگی، جو ولسن اس دھمکی کا جواب ایک پریس کانفرنس میں دیا جہاں خود بنایا ہوا پھانسی کا پھندا پہن کر آئے اور کہا کہ ”اگر فیصلہ یہ ہے کہ امریکی شہریوں کو یرغمال بنایا جائے یا قتل کیا جائے تو میں اپنے لئے رسی خود لے کر آیا ہوں“۔ صدام حسین کی دھمکی کے باوجود نہ جوولسن نے نہ صرف سو سےزائد امریکی شہریوں کو سفارت خانے میں پناہ دی بلکہ ہزاروں افراد {امریکی اور غیرامریکی } کو عراق سے نکلنے میں بھی مدد دی، امریکہ واپسی پر ان کا صدر جارج بش سینئر نے استقبال کیا اور انہیں ایک اصل امریکی ہیرو قرار دیا یہی وجہ ہے کہ جوولسن امریکہ میں جانے پہچانے اور قابل احترام تھے۔نائیجر میں اپنی اس تفتیش کے دوران جوزف اس اطلاع کہ عراق نائیجر سے یورینیم حاصل کرنے کی کوشش کررہا ہے کے صحیح ہونے کا کوئی ثبوت نہیں ملا اور امریکہ واپسی پر انہوں نے ایک رپورٹ سی آئی اے کو دی کہ اطلاع جھوٹی ہے اور عراق کا نائیجر سے یورینیم حاصل کرنا ممکن نہیں ، یہی نہیں بلکہ ویلیری کی جانب سے عراقی جوہری سائنسدانوں سے بالواسطہ تفتیش نے بھی یہی ثابت کیا کہ عراق کے پاس جوہری یا وسیع پیمانے پرتباہی پھیلانے ہتھیار موجود نہیں اور ناہی وہ انہیں حاصل کرنے کی کوشش کررہا ہےلیکن اس کے باوجود جب جنوری 2003ء کے اسٹیٹ آف دی یونین خطاب میں جارج بش نےعراق پر الزام لگایا کہ اس نے ایک افریقی ملک سے یورینیم حاصل کیا ہے تو جوزف ولسن نے 6 جولائی 2003ء کو امریکی اخبار نیویارک ٹائمز میں ایک آرٹیکل بنام ”میں نے افریقہ میں کیا نہیں پایا“ لکھا جس میں انہوں یہ انکشاف کیا کہ سی آئی اے نے انہیں اس معاملے کہ تفتیش کہ لئے نائیجر بھیجا تھا اور ایسے کچھ نہیں ہے۔

جو ولسن کا یہ چھوٹا سا آرٹیکل وائیٹ ہاؤس کے لئے ایک بہت بڑا دھچکا تھا کیونکہ اس آرٹیکل نے عراق پر امریکی حملے کے جواز کو ایک جھوٹ قرار دے دیا تھا، میڈیامیں اس معاملے کی خوب تشہیر ہوئی اور امریکی حکومت پر اس معاملے کی تحقیقات کرانے کا دباوَ پڑنے لگا۔ اس آرٹیکل کے شائع ہونے کے ایک ہفتہ بعد صحافی رابرٹ نویک کا ایک کالم امریکی اخبار واشنگٹن پوسٹ میں اس معاملے پرشائع ہوا جس میں انہوں نے نا صرف جوولسن اور ان کے نائیجر کے دورہ کے بارے لکھا وہیں یہ بھی لکھ ڈلا کہ جو ولسن کے بیوی ویلیری پلیم ولسن سی آئی اے کی خفیہ اہلکار ہیں۔کیونکہ ویلیری ایک خفیہ اہلکار تھیں اس لئے یہ راز صرف ان کے شوہر اور والدین کو معلوم تھا ، اخبار میں اس انکشاف نے ویلیری کا خفیہ کور اور سی آئی اے میں کریئر ختم کردیا اور ویلیری کو سی آئی اے کے تمام اہم معاملات سے فورا علیحدہ کردیا گیا۔ جو ولسن بش انتظامیہ پر الزام لگایا کہ ویلیری کا نام ان کے جانب سے لیک کیاگیا ہے تا کہ وائیٹ ہاوَس جو ولسن سے بدلہ لے سکے۔ امریکی قوانین کے مطابق خفیہ معلومات کو افشاء کرنا غداری ہے اور ایک خفیہ آفیسر کی اصل شناخت ظاہر کرنا غداری کے زمرہ میں آتا ہےاسی لئے اس معاملے کی تحقیقات کی گئیں کہ آخر یہ معلومات کس کی ایماء پر لیک ہوئیں۔ اس دوران جو ولسن عراق نائیجر یورینیم معاملے پر مختلف فورم اور میڈیا پر بات کرتے رہےجس کی وجہ سے دائیں بازو سے تعلق رکھنے والے ٹی وی چینلوں ان کا میڈیا ٹرائل شروع کرتا۔ دائیں بازو سے تعلق رکھنے والے کچھ افراد نے انہیں اور ان کی بیوی کو تنگ کرنا شروع کردیا ، میڈیا میں ویلیری اور جو ولسن کو غدار،جھوٹا، کمیونسٹ ایجنٹ اور مفاد پرست کہاجانے لگا، ویلیری کو سی آئی اے کی ایک معمولی سیکریٹری کہاگیا۔ اس تمام پروپیگنڈا کی باوجود جوولسن نے ہار نہیں مانی اور ویلیری کو اس بات پر راضی کیا کہ وہ اپنی خاموشی کو توڑے اور پارلیمان کی ہاوَس اور سائٹ کمیٹی کے سامنے بیان دے۔بعد ازاںمعاملے کی تحقیقا ت کے دوران معلوم ہوا کہ ویلیری کا نام امریکی نائب صدر کے دفتر سے لیک ہوا ہے اور 6 مارچ 2007ء کو نائب صدر کے چیف آف اسٹاف لوئس لبی کو اس معاملے میں ڈھائی سال قید اور ڈھائی لاکھ ڈالر جرمانے کی سزا سائی گئی ، لیکن قید کی سزا صدر جارج بش نے صدارتی اختیارات استعمال کرتے ہوئے معاف کردی، بعد ازا ں ایک اوراہم عہدہ دار رچرڈ آرمٹیچ نے قبول کیا کہ انہوں نے ویلیری کا نام رابرٹ نویک کو دیا تھا۔

فلم، فیئر گیم ویلیری پلیم ولسن کی آپ بیتی ”فیئر گیم: میری زندگی بطور جاسوس“ پر مبنی ہے، کتاب کا نام وائیٹ ہاؤس کے سابق نائب چیف آف اسٹاف کارل روو کے اس بیان ”ولسن کی بیوی جائز شکار{فیئر گیم} ہے“ سے لیا گیا ہے۔ فیئر گیم 2010ء میں ریلیز کی گئی، فلم میں ویلیری کا کردار نومی واٹس اور جو ولسن کا کردار شان پین نے ادا کیا ہے۔ 22 ملین ڈالر کی لاگت سے تیار ہونے والی اس فلم نے دنیا بھر میں 24 ملین ڈالر کا بزنس کیا۔

ٹریلر

لیکن جس فلم کا تذکرہ میں کرنے جارہا ہوں میرے خیال میں وہ کامک کہانیوں اور گرافک ناولوں پر مبنی تمام فلموں میں زیادہ اثر چھوڑنے والی فلم ہے۔ جی ہاں اگر آپ ”وال اسٹریٹ پر قبضہ کرو” مہم میں لوگوں کو ایک مضحکہ خیز ماسک پہنے احتجاج کرتے دیکھا تھا تو یہ فلم وی فور وینڈیٹا کا اثر تھا۔ لندن میں ہونے والے مظاہروں میں جولین اسانج نےاپنے چہرے کو گائے فاکس ماسک کے پیچھے اس لئے چھپایا تھا کیونکہ اس فلم نےاس ماسک کو ایک بین الاقوامی سمبل بنادیا ہے۔

فلم وی فور وینڈیٹا کامک کہانیوں کے برطانوی مصنف ایلن مور اور برطانوی کامک تصاویر نگار ڈیوڈ لائیڈ کے گرافک ناول ‘وی فور وینڈیٹا’ سے ماخوذ ہے ۔ پانچ کروڑ چالیس لاکھ ڈالر کے لاگت سے تیار کی گئی یہ فلم 17 مارچ 2006ء کو ریلیز ہوئی اور دنیا بھر میں اس نے 13 کروڑ 14 لاکھ 11 ہزار 35 ڈالر کا کاروبار کیا۔ فلم کو برطانیہ اور جرمنی کے اسٹوڈیوز میں فلمایا گیا جبکہ فلم کے آخری حصے کو ویسٹ منسٹر میں برطانوی پارلیمان کے سامنے فلمایا گیا۔

گائے فاکس کون؟

فلم کو سمجھنے کئے ضروری ہے کہ آپ کو معلوم ہو کہ گائے فاکس کون تھا۔ گو کہ برطانیہ میں گائے فاکس کے بارے میں سب ہی جانتے ہیں لیکن یہاں شاید بہت سے لوگ نہ جانتے ہوں کہ گائے فاکس ایک برطانوی رومن کیتھولک عیسائی تھا جس نے 5 نومبر 1605ء میں برطانوی دارالامراء کو بارود سے اڑانے کی ناکام کوشش کی تھی۔ اس واقعے کو ‘گن پاؤڈر پلاٹ’ یا ‘بارود سازش’ کے نام سے یاد کیا جاتا ہے اور ہر سال نومبر کی 5 تاریخ کو برطانوی عوام اس واقعے کی یاد میں ‘گائے فاکس ڈے’ اور ‘بون فائر نائٹ’ مناتے ہیں۔

کہانی

فلم میں مستقبل قریب کے تصوراتی برطانیہ کو دکھایا گیا ہے جہاں لندن پر دہشت گردوں کے کیمیائی ہتھیاروں سے حملے کے بعد مسلمانوں ، ہم جنس پرستوں اور آزاد فنون لطیفہ اور موسیقی سےانتہائی نفرت کرنے والی قدامت پسند سیاسی جماعت نورس فائر کی فاشسٹ حکومت ہائی چانسلر ایڈم سٹلر(جان ہرٹ)کی سربراہی میں قائم ہے، اور برطانیہ ایک پولیس اسٹیٹ بن چکا ہے جہاں آزادئ اظہار رائے اور دیگر سیاسی آزادیاں ناپید ہیں۔ شہروں میں رات کو کرفیو نافذ کردیاجاتا ہے اور خفیہ پولیس اہلکار (فنگرمین) جب چاہیں اور جسے چاہیں غائب کردیتے ہیں۔ چارنومبر کی رات برطانیوی ٹیلی وژن(بی ٹی این) کی ملازم ایوی ہامنڈ(نیٹلی پورٹ مین) اپنے ساتھ کام کرنے والے ٹی وی میزبان گورڈن ڈیٹرک (اسٹیفن فرے) سے ملنے جارہی ہوتی ہے کہ اس کی مڈبھیڑ خفیہ پولیس سے ہوجاتی ہے جو اس کے اکیلے ہونے کا فائدہ اٹھانے کے کوشش کرتے ہیں لیکن ایسے میں ایک ماسک پہنا آدمی (ہوگو ویونگ) وہاں پہنچ جاتا ہے اور ایوی کو فنگرمین سے نجات دلانے کے بعد مضحکہ خیز انداز میں اپنا تعارف بطور ”وی” کرواتا ہے اور بتاتا ہے کہ وہ موسیقار ہے اور اپنے فن کا مظاہرہ کرنے جارہا ہے، اگر ایوی موسیقی سے دلچسپی رکھتی ہے تو اس کے ساتھ چلے اور وہ بعد میں اسے اس کے گھر چھوڑ دے گا۔ وی ایوی کو لے کر ایک عمارت کی خالی چھت پر چلاجاتا ہے وہاں ایک موسیقار کی طرح اپنے ہاتھوں کو حرکت دیتا ہے تو روڈ پر لگے اسپیکروں سے موسیقی سنائی دینے لگتی ہے اور ایک قریبی عمارت اولڈبیلی (مرکزی عدالت برائے جرائم) ایک دھماکہ سے تباہ ہوجاتی ہے۔

دوسرے دن ‘وی’ بی ٹی این کی عمارت جارڈن ٹاورپر اپنے جسم سے بم باندھ کر قبضہ کرلیتا ہے اور ایمرجنسی چینل کے ذریعے اپنے ایک ریکارڈ شدہ تقریر نشر کرتا ہے جو پورے لندن میں ہر ٹی وی پر دیکھی جاتی ہے۔ وہ عوام کو بتاتا ہے کہ اس نے اولڈبیلی کو تباہ کیا ہے تاکہ عوام اس دھماکے سے جاگ اٹھیں اور اس حکومت سے نجات حاصل کرنے کے آج سے ایک سال بعد نومبر کی پانچ کو پارلیمان کے سامنے اس کے ساتھ کھڑے ہوں۔

جارڈن ٹاور سے نکلتے وقت وی کو پولیس آفیسر ڈومینک (روپرٹ گریوز) گھیر لیتا ہے لیکن یہاں ایوی اس کی مدد کرتی ہے اور پولیس کی نظروں میں آجاتی ہے اس لئے نہ چاہتے ہوئے بھی ‘وی’ ایوی کو اپنے ساتھ اپنی خفیہ پناہ گاہ (شیڈوڈگیلری) لے جاتا ہے۔ جہاں ایوی اسے اپنے والدین اور بھائی کے بارے میں بتاتی ہے کہ اس کے والدین سیاسی کارکن تھے جنہیں خفیہ پولیس نے غائب کردیا تھا اور اس کا بھائی دس سال قبل سینٹ میری اسکول پر ہونے والے حیاتیاتی ہتھیار کے حملے (تھری واٹر)میں ہلاک ہوا گیا تھا۔ تب ہی سے وہ خوف کے سائے میں زندگی گزار رہی ہے اور وہ اپنے والدین کی طرح بہادر نہیں ہے، اسی لئے وہ وی کے ساتھ نہیں رہنا چاہتی لیکن وی اسے واپس جانے کی اجازت دینے سے انکار کردیتا ہے۔

پھر کیا ہوتا ہے یہ سب بتادیا تو فلم دیکھنے میں کوئی لطف نہیں رہ جائے گا۔ ہاں اتنا بتادوں کہ وی اپنی زندگی میں ویلیری نامی خاتون سے متاثر ہوتا ہے اور اسی کی پراثر شخصیت کو استعمال کرکے وہ ایوی کا خوف دور کردیتا ہے۔ البتہ وہ اپنے مشن میں کامیاب ہوتا ہے یا نہیں؟ ویلیری، ایوی اور وی کا باہم کیا رشتہ ہے؟ وی کی اپنی کہانی کیا ہے؟ اور نوس فائر نے ایسا کیا جادو چلایا تھا کہ برطانوی عوام نے انتخابات میں انہیں منتخب کیا؟ یہ سب ایسے سوالات ہیں جن کا جواب تو آپ کوفلم دیکھ کر ہی پتہ چلنا چاہیے۔

تبصرہ

وی فور وینڈیٹا ایک بہترین فلم ہے، میں اسے دس میں سے دس نمبر دوں گا۔ نیٹلی پورٹ مین نے اسرائیلی نژاد امریکی ہونے کے باوجود ایک برطانوی خاتون کے کردار اور لہجے کو بڑے عمدگی سے ادا کیا ہے۔ فلم میں کئی جگہ انہوں ثابت کیا کہ وہ ایک بڑی اداکارہ ہیں، ہوگو ویوینگ کا چہرہ اس پوری فلم میں نظر نہیں آتا اور ویسے بھی مجھے ہوگو ویونگ کی اداکاری کچھ عجیب سے لگتی ہے۔ ‘میٹرکس’ اور ‘لارڈ آف دی رنگ’ میں نجانے کیوں ہوگو ویوینگ کی اداکاری مجھے اوور ایکٹنگ لگی تھی، لیکن اس فلم میں ان کی آواز اور لہجے نے فلم کو چار چاند لگادیے ہیں۔ ویونگ کا کردار ‘وی’ دراصل ایک انارکسٹ ہے جو تشدد اور انارکی سے ملک کی صورت حال بدلنا چاہتا ہے۔ ویوینگ نے فنون لطیفہ ، موسیقی اور فلموں کے دلدادہ ‘وی’ اور انتقام کی آگ میں جلتے ‘وی’ کا کردار بڑے اچھے انداز میں نبھایا۔فلم کی کہانی تھوڑی جنجال ہے اس لئے سرسری طور پردیکھنے سے سمجھ میں شاید نہ آئے لیکن فلم کا اصل حسن اس کے مکالمے ہیں۔ کچھ مشہور مصنفوں، سیاسی کارکنوں کے اقوال حتیٰ کہ آئن اسٹائن کا ایک مشہور مقولہ بھی فلم کے سکرپٹ میں شامل ہے۔ ٹی وی پر نشر ہونے والی ‘وی’ کی تقریر تو کچھ ایسی ہے کہ اگر کوئی سیاسی رہنما ایسی تقریر کرے تو دل اس کی طرف فوراً مائل ہوجائے، اور ویلیری کی آپ بیتی بھی بہت احسن انداز میں لکھا گیا ہے ۔ آخری بات یہ کہ ویسے تو فلم بالکل صاف ستھری ہے لیکن اس کی کہانی ہم جنس پرستوں کے حقوق کی وکالت کرتی ہے اور فلم کے کچھ مناظر میں اس کا حوالہ موجود ہے۔

ٹریلر

اس تلوار اور جادو  کے ایکشن پر مبنی فلم کے ہدایتکار ہیں مائک نیویل(Mike Newell) ہیں اور پروڈیوسر ہیں جیری بروک ہائمر(Jerry Bruckheimer) جی ہاں! پائریٹس آف دی کیریبیئن والے، فلم کے لکھاریوں میں جارڈن میکنر کے ساتھ ساتھ بواز یاکن (Boaz Yakin)، ڈگ میرو (Doug Miro) اور کارلو برنارڈ (Carlo Bernard) شامل ہیں۔  فلم کی کہانی کے مرکزی عناصر ویڈیو گیم  والے ہیں لیکن ساتھ ساتھ فرنچائز کی اگلی دو ویڈیو گیموں سے بھی استفادہ کیا گیا ہے۔  اور اگر اصل کہانی کی بات کی جائے تو وہ کئی ایک قدیم فارسی و ایرانی کہانیوں اور روایتوں کا ملغوبہ ہے۔  فلم میں مرکزی کردار جیک جیلنہال(Jake Gyllenhaal) ، گیما آرٹرٹن (Gemma Arterton)، بَین کنگزلے (Ben Kingsley) اور الفرڈ مولینا(Alfred Molina) نے ادا کئے ہیں۔

کہانی

فلم کی کہانی ایک یتیم لڑکے داستان(جیک جیلنہال) سے شروع ہوتی ہے جسے شاہِ فارس ڈرامائی انداز میں گود لے لیتا ہے اور یوں وہ تیسرا اور سب سے چھوٹا فارس کا شہزادہ بن جاتا ہے۔ اس کے دونوں سوتیلے بھائی طوس (یا طاس) اور گارسیو  اپنے چچا نظام (بَین کنگزلی) کے ایما پر الموت کے شہر پر حملے کی تیاری کرتے ہیں۔ نظام شہر الموت پر دغابازی اور بغاوت کا الزام لگاتا ہے، اس لئے شہزادہ داستان بھی ان کے ساتھ شامل ہو جاتا ہے۔ لڑائی میں فارسیوں کو فتح ملتی ہے اور داستان کے ہاتھ ایک پراسرار خنجر  لگتا ہے جس میں جادوئی طاقتیں ہوتی ہیں۔ الموت کی شہزادی تہمینہ (گیما آرٹرٹن) قیدی بنا لی جاتی ہے  اور اس پر  امن کی خاطر شہزادہ طوس سے شادی کیلئے زور دیا جاتا ہے۔ تہمینہ یہ دیکھتے ہوئے کہ خنجر شہزادہ داستان کے پاس ہے شادی پر رضامند ہو جاتی ہے۔

شاہِ فارس شارامن الموت پر حملہ کرنے کی وجہ سے طوس سے نالاں ہوتا ہے اور اعلان کرتا ہے کہ تہمینہ کی شادی داستان سے ہو گی۔ جشن کے دوران داستان شاہِ فارس کو نا دانستگی میں ایک زہریلا لباس پہننے کو دے دیتا ہے، جو کہ اسے شہزادہ طوس نے دیا تھا۔ لباس کو پہنتے ہی بادشاہ کی موت ہو جاتی ہے۔ قتل کا الزام داستان پر لگتا ہے جو کہ موقع سے شہزادی تہمینہ کے ساتھ فرار ہو جاتا ہے۔ اب ایک مفرور شہزادہ اور ایک پراسرار شہزادی ایک جادوئی خنجر کے ساتھ دربدر پھرتے ہیں جہاں کبھی وہ ایک دوسرے کو دھوکہ دیتے ہیں اور کبھی ان کا واسطہ پڑتا ہے ایک شترمرغ دوڑ کے شوقین شیخ عمار (الفریڈ مولینا) سے اور کبھی حشاشین سے جو ان کے خون کے پیاسے ہیں، کس لئے؟ ۔۔۔۔۔۔۔ یہ جاننے کیلئے “اج ای ویکھو ۔۔۔۔ فارس کا شہزادہ: سمےکی ریت

کے طوفان میں “۔

اضافی معلومات

پروڈیوسر  بروک ہائمر کو فلم سے بہت توقعات تھیں لیکن یہ فلم ان پر پوری نہ اتر سکی۔ وہ اسے نئی “پائریٹس آف کیریبیئن” فرنچائز دیکھ رہے تھے لیکن ایسا نہ ہو سکا۔ تاہم ویڈیو گیمز سے ماخوذ اب تک کی تمام فلموں میں یہ پہلے نمبر پر پہنچ چکی ہے اور  لارا کرافٹ: ٹومب ریڈر اور مارٹل کومبیٹ کو باکس آفس پر کاروبار میں پیچھے چھوڑ گئی ہے۔

فلم میں تمام نمایاں عناصر ویڈیو گیم سے لے گئے ہیں جبکہ کہانی نسبتاً مختلف ہے۔ کہانی میں موجودتقریباً  تمام کردار، نام اور جگہیں ایرانی لوک داستانوں اور دیومالائی کہانیوں سے لئے گئے ہیں۔ کرداروں کے نام فردوسی کی شاہنامہ میں موجود ناموں سے ملتے جلتے  ہیں۔ اس کے ساتھ ساتھ ملک شاہ اول، خواجہ نظام الملک طوسی اور حسن صباح کی جھلک بھی کرداروں میں ملتی ہے۔ خاص طور پر حشاشین کو Hassansins  کے نام سے لیا گیا ہے ۔ الموت کا شہر بھی قدیم ایرانی شہر ہے جہاں حسن صباح نے فاطمیوں کے زمانے میں اپنا قلعہ  تعمیر کیا تھا۔

اعزازی ریٹنگ

آئی ایم ڈی بی IMDb:  6٫7

روٹن ٹماٹوز Rotten Tommatos: 36 فیصد

Metacritic: 100/50۔

والدین کیلئے

مار دھاڑ اور ایکشن کی وجہ سے آئی ایم ڈی بی کے مطابق 13 سال اور اس سے کم کیلئے والدین کی نگرانی میں دیکھنا بہتر ہے۔

ذاتی رائے

ویڈیو گیم میں انٹرسٹ کی وجہ سے مجھے اس فلم کا انتظار تھا۔ اس کے علاوہ پائریٹس فرنچائز بھی میری پسندیدہ مین سے ایک ہے۔ فلم کی کاسٹ کا اعلان ہونے پر ہی مجھے جیک جیلنہال کچھ زیادہ موزوں نہیں لگا اس کردار کیلئے (پتا نہیں کیوں!) ۔ لیکن بہرحال فلم اچھی ہے۔ دیکھنے کے قابل ہے اور آرام سے دیکھی جا سکتی ہے۔ جو لوگ فینٹسی وغیرہ پسند نہیں کرتے ، انہیں شاید زیادہ نہ بھائے۔ اس کے علاوہ اس فلم میں تاریخ ڈھونڈنے والے بھی زیادہ محظوظ نہیں ہو سکیں گے۔

بونس

اردو سب ٹائیٹلز کے شائقین کیلئے ایک بونس ہے۔ اس فلم کے اردو سب ٹائیٹلز موجود ہیں، جو کہ میں نے خود تیار کئے ہیں۔ اس ربط سے اتارے جا سکتے ہیں۔ میں نے انہیں اسی نام کی فائل کے ساتھ ہم آہنگ کیا ہے، اس لئے دوسری کسی فائل کے ساتھ چلانے کیلئے تھوڑا ایڈجسٹ کرنے کے بعد دیکھے جا سکتے ہیں۔

]]> http://filmistan.info/adventure/prince-of-persia/feed 9 http://filmistan.info/action/the-next-three-days http://filmistan.info/action/the-next-three-days#comments Thu, 05 May 2011 11:56:52 +0000 عمیر ملک http://filmistan.info/?p=379 (The Next Three Days)دی نیکسٹ تھری ڈیز 2010 میں جاری کردہ ایک پر جوش (تھرلر) فلم ہے۔ فلم کے ہدایتکار پال ہیگیس ہیں اور مرکزی کرداروں میں مشہور اداکار رسل کرو اور الیزبتھ بینکس شامل ہیں۔ یہ فلم 2008 کی ایک فرانسیسی فلم  Pour Elleکا ‘ری میک’ ہے۔

پلاٹ

جان برینن (رسل کرو) کی زندگی میں اس وقت ایک بھونچال آ جاتا ہے جب اس کی بیوی لارہ برینن (الیزبتھ بینکس) اپنی باس کے قتل کے شبے میں گرفتار ہو جاتی ہے۔ اور  موقع واردات سے ملنے والے تمام شواہد لارہ کے خلاف جاتے ہیں۔ اسے جیل بھیج دیا جاتا ہے۔ جان برینن ایک کمیونٹی کالج میں پروفیسر ہے اور ان کا ایک بیٹا ہے۔ جب لارہ کے چھوٹنے کی کوئی امید نہیں رہتی تو جان اسے جیل سے بھگانے کے بارے میں سوچتا ہے۔  اس منصوبے کو عملی جامہ پہنانے کیلئے جان ایک ایسے شخص ڈیمن پیننگٹن (لایم نیسن) سے جیل کے بارے میں معلومات لیتا ہے جو  سات دفعہ جیل سے بھاگنے میں کامیاب ہو چکا ہوتا ہے۔  ڈیمن مشورہ دیتا ہے کہ جیل کو سمجھو اور اس کا بغور مطالعہ کرو کیونکہ ” ہر جیل کی ایک چابی ہے”۔ بقول ڈیمن ، جیل سے  وقتی طور پہ بھاگنا آسان ہے جبکہ دوبارہ پکڑے جانے سے بچنا مشکل ہے۔  جان مکمل پلان تیار کرتا ہے اور اس دوران اسے کئی ایک مشکلات اور  ناگزیر حالات کا سامنا کرنا پڑتا ہے جو کہ ایک کالج پروفیسر کیلئے نئے ہوتے ہیں۔

ریٹنگز

آئی ایم ڈی بی : 7٫4

روٹن ٹماٹوز : %50

والدین کیلئے: آئی ایم ڈی بی کے مطابق 13 سال سے کم کیلئے غیر مناسب

]]> http://filmistan.info/action/the-next-three-days/feed 5 http://filmistan.info/crime/rocknrolla http://filmistan.info/crime/rocknrolla#comments Fri, 04 Feb 2011 20:01:15 +0000 جعفر http://www.filmistan.info/?p=316 میری رائے میں تو فلموں کی صرف دو اقسام ہوتی ہیں، اچھی اور بری! باقی صرف تفصیل ہوتی ہے کہ لڑائی مارکٹائی، پیار محبت، سنسنی وغیرہ وغیرہ کس تناسب سے شامل ہیں۔ فلموں کی ایک تیسری اور نادر قسم ہوتی ہے، کراری فلم, جیسے لڈو پیٹھیاں والے، گول گپے، تیز مصالحے والے آلو چھولے، املی وغیرہ، جس سے سوائے چٹخارے کے کچھ حاصل ہونے کی امید نہیں ہوتی۔ جس فلم بارے، آپ اب پڑھیں گے، وہ اسی نادر قسم سے تعلق رکھتی ہے۔

گائے رچی کے بارے، پہلے پہل میں صرف اتنا جانتا تھا کہ اس نے میڈونا سے شادی کرنے کا ”کارنامہ“ انجام دیا ہے۔ اس حرکت سے میرے ذہن میں اس کا کوئی اچھاتاثر نہیں بنا تھا۔ لیکن اتفاق سے ایک دن کسی چینل پر ‘سنیچ’ کے کچھ مناظر دیکھے اور فلم میکنگ کا یہ انداز، مجھے نیا، اچھوتا اور مزے دار لگا۔اس پر میں نے اس کی تازہ ترین (اس وقت کے حساب سے) فلم بارے پڑھا تو مجھے روک این رولا (RocknRolla) کا پتہ چلا۔

فلم کی ہدایتکاری اور مصنفی کی ذمہ داریاں انہی حضرت نے انجام دی ہیں۔ کہانی کا تانا بانا لندن کی رئیل اسٹیٹ مافیا کے گرد بنا گیا ہے اور اپنی سابقہ فلموں کی طرح اس فلم میں بھی گائے رچی کے تمام کردار، جرم کی دنیا سے تعلق رکھتے ہیں۔ مافیا ڈان سے لے کر معمولی اچکوں تک ہر قسم اور نسل کا جرائم پیشہ کردار آپ کو نظر آئے گا۔ فلم کا آغاز پیچیدہ اور ذرا سست ہے۔ لیکن پلاٹ کے مرکزی نکات اور کرداروں کے تعارف کے بعد جب فلم رفتار پکڑتی ہے تو دیکھنے والے کو بہا کے لے جاتی ہے۔

گائے رچی، اس فلم میں آپ کو ایسے کرداروں اور ماحول سے متعارف کرواتے ہیں، جو ہالی ووڈ کی فلموں کے عادی ناظرین کے لیے ایک انوکھا پن لئے ہوئے ہے۔ برطانوی پس منظر کی وجہ فلم میں ایک انفرادیت ہے (یا صرف مجھے محسوس ہوئی)۔ اس فلم کی ایک اور خاص بات یہ کہ اس کا چھوٹے سے چھوٹا کردار بھی بھرتی کا نہیں ہے، بلکہ کہانی کو آگے لے کے جانے والا اور اپنی جگہ اہمیت کا حامل ہے۔ مکالمے مزے دار بلکہ لذیذ ہیں اور سونے پر سہاگہ برطانوی تلفظ۔ میری رائے میں اس فلم کا سکرپٹ ان چند فلم سکرپٹس میں شامل ہے جنہیں مکمل ترین کہا جاسکتا ہے۔

فلم کی بیشتر کاسٹ برطانوی اداکاروں پر مشتمل ہے، جن میں جیرارڈ بٹلر، مارک سٹرونگ، ادریس البا، ٹام ہارڈی، ٹام ولکونسن ، ٹوبی کیبل وغیرہ شامل ہیں۔ اداکاری اعلی معیار کی ہے۔ خاص طور پر مارک سٹرونگ بطور ”آرچی“ اور جیرارڈ بٹلر بطور ”ون ٹو“ کے زبردست ہیں۔ منشیات کے عادی راک سٹار جونی کوئیڈ کے کردار میں ٹوبی کیبل نے بھی زبردست پرفارمنس دی ہے۔

آخری بات یہ کہ یہ جائزہ جتنا پھسپھسا ہے، فلم اتنی ہی مزے دار ہے۔ لہذا آپ کا جب بھی فلم دیکھنے کا پروگرام بنے تو سب سے پہلے اسے ہی بھگتائیے گا، اس جائزے کو پڑھنے کی بوریت دور ہوجائے گی۔

ٹریلر

کہانی

یہ فلم کین کیسی کے اسی نام سے لکھے گئے ناول سے ماخوذ ہے جو دراصل ایک عادی مجرم رینڈل پیٹرک میک مرفی کی کہانی ہے جسے اس کی مبینہ ذہنی حالت کے باعث پاگل خانے میں داخل کرا دیا جاتا ہے۔ یہ کردار معروف اداکار جیک نکلسن نے نبھایا ہے اور ان کی یادگار ترین پرفارمنس سمجھا جاتاہے۔ پاگل خانے میں میک مرفی کو امید ہوتی ہے کہ وہ قید خانے کی سختیوں اور قید بامشقت سے بچ جائے گا اور سکون کے دن گزارے گا لیکن پاگل خانے کی سخت مزاج نرس ملڈریڈ ریچڈ (لوئس فلیچر) کے اہانت آمیز رویے اور مریضوں کے علاج کے ناقص طریقے سے میک مرفی بیزار ہو جاتا ہے۔ کیونکہ حقیقت میں وہ پاگل نہیں ہوتا اس لیے جلد ہی سب کا لیڈر بن جاتا ہے۔

میک مرفی کے جارحانہ رویے اور نرس ریچڈ کی سخت مزاجی کا جلد ہی ٹکراؤ ہو جاتا ہے اور پھر تمام فلم پاگل خانے کے اندر کے اس کشیدہ ماحول کے گرد گھومتی رہتی ہے جس میں میک مرفی اپنے تمام ساتھیوں کو زیاد ہ سے زیادہ سکھ پہنچانے کی کوشش کرتا رہا ہے اور مس ریچڈ اپنے روایتی سخت گیر رویے کے ذریعے پاگل خانے اور میک مرفی کو کنٹرول کرنے کی کوشش کرتی ہے۔

فلم میں پاگل خانوں کے ماحول اور وہاں کے عملے کے مریضوں کے ساتھ روا رکھے گئے رویوں کو بہترین انداز میں فلمایا گیا ہے اور ذہنی و جسمانی تشدد کو بھی نمایاں کیا گیا ہے۔ جس میں یہ تک دکھایا گیا ہے کہ ایک مرتبہ سزا کے طور پر میک مرفی اور اس کے ایک ساتھی کو بجلی کے جھٹکے بھی دیے جاتے ہیں۔

اس کے بعد نرس اور میک مرفی کا تصادم کیا رنگ لاتا ہے اس کے لیے فلم دیکھئے۔

اعزازات

فلم کو راجر ایبرٹ سمیت کئی ناقدین سے بہت سراہا۔ مجموعی طور پر فلم سے پانچ آسکر ایوارڈز حاصل کیے جن میں جیک نکلسن کے لیے بہترین اداکار، لوئس فلیچر کے لیے بہترین اداکارہ، میلوس فورمین کے لیے بہترین ہدایت کار، لارنس ہابین اور بو گولڈمین کے لیے بہترین فلم اور بہترین ماخوذ اسکرین پلے کا اعزاز شامل ہیں۔ اس کے علاوہ وہ چار آسکر اعزازات کے لیے نامزد بھی ہوئی تھی جن میں بہترین معاون اداکار، بہترین سینماٹوگرافی، بہترنی فلم ایڈیٹنگ اور بہترین اوریجنل میوزک اسکور شامل ہیں۔

آسکرز کے علاوہ فلم نے 6،6 گولڈن گلوبز اور بافٹا ایوارڈز بھی حاصل کیے جن میں بہترین فلم کے اعزازات بھی شامل ہیں۔ امریکن فلم انسٹیٹیوٹ نے اپنی مختلف فہرستوں میں اس فلم کو جگہ دی ہے جس میں 100 سال ۔۔۔ 100 فلمیں میں اسے 20 واں درجہ اور 100 سال ۔۔۔ 100 ہیرو اور ولن کی فہرست میں میں نرس ریچڈ کو 5 واں درجہ دینا شامل ہیں۔

1993ء میں امریکہ کی لائبریری آف کانگریس نے اس فلم کو “ثقافتی، تاریخی اور جمالیاتی طور پر اہم” قرار دیا اور اسے قومی فلم رجسٹری میں محفوظ کرنے کے لیے منتخب کیا۔

ٹریلر

وال -ای (Waste Allocator Load Lifter Earth Class) ایک روبوٹ کے لیے خاصہ طویل نام ہے جس کا مخفف وال -ای دیکھنے اور سننے میں بھی بھلا محسوس ہوتا ہے خصوصا ایو کی زبانی، صنف نازک ہیروئن روبوٹ ( جی اس فلم میں ایک روبوٹ ہیروئن بھی فلم میں رومانوی جذبات شامل کرنے کے لیے ) ۔ وال ای غالبا پہلا روبوٹ یے جو نہ صرف دل رکھتا ہے بلکہ دلبر بھی ۔۔۔۔۔ایو۔

کہانی

کیا خیال ہے فلم شروع کریں، ہیرو اور ہیروئن کے تعارف کے بعد۔ فلم اس سین سے شروع ہوتی ہے کہ وال-ای کچرا صاف کر رہا ہے اور اکیلا ہی یہ فریضہ انجام دے رہا ہے۔ انسان مدتوں پہلے ناقابل رہائش مضر صحت کرہ ارض چھوڑ چکے ہیں ایک سپیس شپ ایگزیم (AXIOM) پر جسے بائے این لارج نامی ایک بڑی کارپوریشن نے بنایا تھا، وال ای بھی اسی نے بنایا تھا۔ وال-ای ہر صبح Macintosh (پکسار نے اپنے پرانے بانی ایپل کمپوٹر کے اسٹیو جابز کو خراج تحسین پیش کیا اس انداز سے ) کے آرکسٹرا کی دھن پر جاگتا ہے اور اپنے فرائض منصبی انسانی اطوار میں ادا کرتا ہے یعنی کام کے ساتھ تفریح اور مزید مواقع کی جستجو۔ وال ای ہر شے کو کچرا گھر نہیں پھینکتا بلکہ کوئی کام کی چیز لگے تو گھر بھی لے جاتا ہے جس سے اس کا غریب خانہ سج جاتا ہے جیسے کہ ایک پلاسٹک ڈائنو سار، لائٹ بلب، چھوٹا بیج جو پرانے بوٹ میں رکھا ہوا ہے۔ وہ اپنے دن کا اختتام ہیلو ڈولی کی ایک پرانی ویڈیو ٹیپ دیکھ کر کرتا ہے جو فنون لطیفہ سے اس کی دلچسپی کا اظہار کرتا ہے، ایک اور انسانی خصوصیت۔

ہیرو کی زندگی بدلنے کی فلموں میں کیا چیز درکار ہوتی ہے؟ مرد حضرات تو سب یقینا پہنچ گئے ہوں گے البتہ جو خواتین نہیں پہنچ سکیں انہیں انڈین فلموں کا تجزیاتی جائزہ لینے کی ضرورت اور جو مرد نہیں پہنچے انہیں فلمیں دیکھنے ہی نہیں سمجھنے کی بھی ضرورت پر غور کرنا چاہیے۔ جی، فلم میں رونق افروز ہوتی ہیں فلم کی ہیروئن “ ایو “، یہاں ایو سے مراد مائی حوا نہیں ہے بلکہ ایک خوبصورت، مغرور و حسین الٹرا ماڈرن روبوٹ ایو جسے دیکھ کر کوئی بھی اندازہ لگا سکتا ہے کہ اب ہیرو کی زندگی میں رنگ و نور کی برسات شروع ہونے والی ہے ۔ نور تو وال-ای کو ایو کے سفید رنگ میں ہر پل دکھنے لگتا ہے اور رنگوں کی برسات ایو کی طرف سے ہونا شروع ہو جاتی ہے جو وہ ہر شے پر لیزر اسکین لے کر کرتی ہے۔ایو ایگزیم سے زمین پر زندگی کے آثار دیکھنے کے لیے بھیجی گئی ہوتی ہے اس وجہ سے وہ ہر شے کو اسکین کرکے اس کا جائزہ لیتی ہے تاکہ اس کی رپورٹ وہ واپس بھیج سکے۔

وال-ای جو پہلی نظر میں ہی اپنا دل ہار بیٹھا ہوتا ہے ایک مدت تک تو قرون وسطی کے حیا دار عاشقوں کی طرح نظارہ حسن چھپ چھپ کر ہی کرتا ہے مگر ایک دن دونوں کا آمنا سامنا ہو جاتا ہے جس پر ایو ناپسندیدگی کا اظہار کرتی ہے (بالکل کسی رومانوی فلم کی طرح ) مگر جس طرح ساری فلموں میں ہوتا ہے کہ آہستہ آہستہ ہیرو اور ہیروئن میں دوستی ہو جاتی ہے اور وہ ایک دوسرے کو پسند کرنے لگتے ہیں ایسے ہی اس فلم میں بھی ہوتا ہے اور یہی اس فلم کی وہ خوبصورتی ہے جو اسے باقی فلموں میں سے ممتاز کرتی ہے کیونکہ یہاں ڈائیلاگ اور لفظوں کی بجائے فقط بیپ اور میشنی آوازوں سے لگاوٹ اور اظہار الفت کا کام لیا گیا جس کے لیے ساؤنڈ ڈائریکٹر کو داد نہ دینا زیادتی ہوگی۔ ایو (جس کی دلکشی اور نازک اندامی کو نیویارک ٹائمز نے آئی فون سے تشبیہ دی ہے ) کو متاثر کرنے کے لیے ویسے تو وال-ای کئی اور جتن بھی کرتا ہے مگر جب وہ غریب اپنی متاع عزیز جوتے میں رکھا پودا پیش دربار حسن کرتا ہے تو ایو وہ تحفہ قبول کرکے رکھ تو کر لیتی ہے مگر مارے حیا کے ایو کا دل ہی بند ہو جاتا ہے اور وہ یوں جامد و انجان ہو جاتی ہے جیسے دیوار پر لگی ساکت تصویر۔ وال-ای کے لاکھ جتن پر بھی وہ ٹس سے مس نہیں ہوتی اور روٹھے محبوب کی طرح مان کر نہیں دیتی(حقیقت میں کیا ہوتا ہے یہ آپ فلم دیکھ کر پتہ کریں )۔

کچھ دنوں میں ایک ہوائی مشین آتی ہے اور ایو کو اٹھا کر لے جاتی ہے، وال ای محبوب سے بچھڑنے کے تصور سے ہی کانپ اٹھتا ہے اور مشین سے لٹک کر خلا میں موجود ایگزیم تک پہنچ جاتا ہے جہاں پر موجود انسان جہاز کے خودکار نظام پر انحصار کی وجہ سے انتہائی موٹے اور کاہل ہو چکے ہوتے ہیں۔ جہاز کا انتظام، کیپٹن کم اور آٹو پائلٹ، آٹو (Auto) زیادہ چلاتا ہے۔ کیپٹن کے علم میں یہ بات آتی ہے کہ اگر ایو زمین سے کوئی پودا لے کر آئی ہے تو وہ واپس زمین پر جا سکتے ہیں کیونکہ اب وہ قابل رہائش جگہ بن چکی ہے مگر جب ایو کو کھولا جاتا ہے تو پودے کا بیج گمشدہ ہوتا ہے جس پر ایو کو مرمت خانے بھیج دیا جاتا ہے۔ وال -ای ایو کی مرمت کو پنجاب پولیس کی تفتیشی مرمت سمجھ لیتا ہے اور اسے بچانے اور چھڑانے کے چکر میں غلطی سے کئی کن ٹٹے روبوٹوں کو آزاد کر دیتا ہے۔ اس پر ایو وال-ای سے ویسے ہی ناراض ہو جاتی ہے جیسے ہیروئن کے بھائی کی غلطی سے مرمت کرنے پر ہیروئن ہیرو سے ہو جاتی ہے۔ غصہ میں ایو وال-ای کو زمین پر واپس بھیجنے کا بندوبست کرتی ہے مگر اسی اثنا میں اسے گمشدہ پودا کا سراغ مل جاتا ہے۔ وال -ای زور عشق سے اس ڈبے سے رہائی پا لیتا ہے جس کے ذریے ایو اسے واپس بھیج رہی ہوتی ہے بلکہ اپنی محبوبہ کی سچائی کو ثابت کرنے کے لیے وہ پودا بھی حاصل کرنے میں کامیاب ہو جاتا ہے جس کی جھوٹی رپورٹ کے الزام میں اسے معتوب اور ملزم گردانا گیا ہوتا ہے۔ پودا پا کر ایو مارے خوشی کے وال-ای کا منہ چوم لیتی ہے جسے بلاشبہ بہترین الیکٹرونک بوسہ کہا جا سکتا ہے اور پھر دونوں بانہوں میں بانہیں ڈال کر ایگزیم(AXIOM) کے گرد وفور مسرت سے خلا میں جو رقص اور دھمال ڈالتے ہیں وہ بتانے والا نہیں دیکھنے والا کام ہے۔

کیپٹن ایو کے وژیول ریکارڈ دیکھ کر قائل ہو جاتا ہے کہ انسان اب زمین پر دوبارہ واپس جا سکتے ہیں۔ ایو بھی وال-ای کی محبت میں گرفتار ہو جاتی ہے خصوصا اپنی ہی ریکارڈ کی ہوئی وہ وڈیوز دیکھ کر جب وہ زمین پر ساکت ہوگئی تھی اور وال-ای نے بہت پیار سے اس کی دیکھ بھال اور موسم کی سختیوں سے اسے بچانے کی کوشش انسانوں جیسے روبوٹانہ جذبات میں بہہ کر کی تھی۔ جیسا کہ ہر فلم خصوصا رومانوی میں کوئی نہ کوئی ولن اور برا کردار ہوتا ہے تو اس فلم میں بھی آٹو موجود ہے جو وال-ای کو بجلی کا شاک دے کر ایو کے ساتھ کچرے گھر میں پھینک دیتا اور کیپٹن سے صاف کہہ دیتا ہے کہ “یہ شادی نہیں ہو سکتی”

یعنی وہ کیپٹن کو واپس زمین پر نہیں جانے دے گا ( ہالو ڈیٹیکٹر کی تفصیل فلم دیکھ کر جانیں )۔ ایو بدمعاش اور کن ٹٹے روبوٹوں کی مدد سے آٹو کو ناکام بنا دیتی ہے اور کیپٹن کے ساتھ جہاز کو واپس زمین پر لے آتی ہے اور وال-ای کو ٹھیک کرنے کی کوشش کرتی ہے مگر وال-ای ٹھیک ہونے پر سٹار پلس کے ڈراموں کی طرح اپنی یادداشت کھو بیٹھتا ہے اور ایو کے لیے مر مٹنے کی قسمیں اور ساتھ جینے مرنے کے وعدوں پر بھی اس کی یادداشت واپس نہیں آتی۔ مایوس ہو کر ایو اسے ایک الوداعی بوسہ دیتی جس پر کا اثر کسی ٹرک کی ٹکر جیسا ہوتا ہے اور وال-ای کو سب یاد آ جاتا ہے اور یوں وال-ای اور ایو کا روبوٹانہ ملاپ ہو جاتا ہے اور وہ انسان تو تھے نہیں اس لیے یقنینا باقی عمر ہنسی خوشی ہی رہے ہوں گے۔ فلم کے آخر میں آرٹ کی بہت سے نمونے دکھائے گئے ہیں جن میں مصری ہائروگلائفس، یونانی یرنس، ڈا ونچی کے اسکیچ اور ونسنٹ وان گوف کی پینٹنگز ۔

اعزازات

فلم نے 81 ویں آسکر ایوارڈز میں بہترین ای میٹڈ فیچر کا اعزاز حاصل کیا جبکہ مجموعی طور پر وہ 6 آسکرز کے لیے نامزد ہوئی تھی۔ اس کے علاوہ وال-ای نے بہترین اینی میٹڈ فلم کا بافٹا ایوارڈ ، بہترین اینی میٹڈ فلم کا گولڈن گلوب ایوارڈ، کسی فلم یا ٹی وی کے لیے لکھے گئے بہترین گانے اور بہترین انسٹریومنٹل اریجنمنٹ کے گریمی ایوارڈز اور بہترین اینی میٹڈ فیچر کا سیٹلائٹ ایوارڈ بھی حاصل کیا۔ مجموعی طور پر فلم 82 اعزازات کے لیے نامزد ہوئی جس میں سے 47 اس کے نام رہے۔

علاوہ ازیں معروف جریدے ٹائم میگزین نے اپنی 2008ء کی بہترین فلموں میں اسے اول نمبر دیا جبکہ 2010ء میں ٹائم میگزین نے وال-ای کو “دہائی کی بہترین موویز” کی فہرست میں بھی اول درجے پر رکھا۔ معروف فلمی جریدے امپائر کے کرائے گئے آن لائن پول میں وال-ای روبوٹ 100 عظیم فلمی کردار میں 63 ویں نمبر پر رہا۔

ٹریلر

پکسار کے کئی شاہکاروں میں سے ایک کا نام ہے ریٹاٹوئی(Ratatouille)۔ جو کہانی ہے ریمی نامی اک چوہے کی جو باورچی بننے کا خواب دیکھتا ہے گو کہ اس میں بہت بڑی رکاوٹ خود اس کا چوہا ہونا ہوتا ہے، پھر اس کے گھر والے بھی اس کی راہ میں روڑے اٹکاتے ہیں۔ لیکن ایک حادثے کے بعد پیرس کے اس عظیم باورچی کے ریستوراں پہنچ جاتا ہے جسے دنیا آگستے گوستیو کے نام سے جانتی تھی ۔ جب ریمی ریستوراں میں پہلی بار داخل ہوتا ہے تو گوستیو کا ریستوراں اس کی ناگہانی موت کی وجہ سے مشکلات سے دو چار ہوتا ہے ۔ یہاں فلم کی اصل کہانی کا آغاز ہوتا ہے جس میں چوہا اور ریستوراں کا خاکروب (سویپر) لنگوئنی مرکزی کردار ہیں۔ ریمی لنگوئنی کو استعمال کر کے مختلف کھانے پکاتا ہے اور گوستیو کے ریستوراں کی ماضی کی عظمتیں بحال کرنے کی کوشش کرتا ہے۔ اس کہانی مزاح بھی ہے، جذبات بھی اور سنسنی بھی اور ساتھ ساتھ فلم کی شاندار اینی میشن بھی۔ پیرس کے خوبصورت نظارے، کھانوں کی خوبصورتی اور کرداروں کی جزئیات و تفصیلات اس اینی میشن کو چار چاند لگاتی ہیں۔

ریٹاٹوئی 2007ء میں پکسار اور والٹ ڈزنی پکچرز نے مشترکہ طور پر ریلیز کی جو پکسار کی اینی میٹڈ پکچرز کے سلسلے کی آٹھویں فلم تھیں۔ اس کے لیے ہدایات بریڈ برڈ نے دیں۔

فلم نے بہترین اینی میٹڈ فیچر کا آسکر ایوارڈ بھی جیتا جو ہدایت کار بریڈ برڈ کا دوسرا آسکر اعزاز تھا۔ ویسے فلم پانچ آسکرز کے لیے نامزد ہوئی تھی۔ اس سے پہلے کوئی اینی میٹڈ پکچر اتنے آسکرز کے لیے نامزد نہیں ہوئی تھی۔ معروف فلمی نقاد راجر ایبرٹ، جو شکاگو سن ٹائمز کے لیے لکھتے ہیں، نے کہا کہ انہیں یہ فلم بہت زیادہ پسند آئی اور وہ توقع رکھتے ہیں اس سلسلے کو مزید آگے بڑھایا جائے گا اور ہم ریٹاٹوئی 2 بھی دیکھیں گے۔

آسکر کے علاوہ فلم کو بہترین اینی میٹڈ کیٹگری میں بافٹا اور گولڈن گلوب ایوارڈز بھی ملے۔

اگر آپ اینی میٹڈ فلمیں نہیں دیکھتے تو یہ فلم ضرور دیکھیے، یہ آپ کے لیے ایک بالکل نیا تجربہ ہوگی۔ خاص طور پر یہ فلم ان بچیوں کو ضرور دکھانی چاہیے جو باورچی خانے میں جانے سے کتراتی ہیں اور مجھے یقین ہے کہ اگر انہوں نے ایک مرتبہ اس فلم کو دیکھ لیا تو اگلے روز وہ باورچی خانے میں نظر آئیں گی۔

ٹریلر

‘پرسوٹ آف ہیپی نیس’ کرس گارڈنر کی اسی جدوجہد کی داستان ہے جو انہوں نے اپنی سوانح حیات میں بیان کی ہے۔

2006ء میں بننے والی اس فلم کے لیے ہدایات دی ہیں گیبریل مچینو نے جبکہ کرس گارڈنر کا کردار ول اسمتھ نے ادا کیا ہے ۔

فلم 15 اکتوبر 2006ء کو کولمبیا پکچرز نے ریلیز کی۔

کہانی

1981ء میں کرس گارڈنر (ول اسمتھ) اپنی تمام بچت اوسٹیو نیشنل بون ڈینسٹی اسکینرز میں سرمایہ کاری پر لگا دیتا ہے، جو ایک پورٹ ایبل امیجنگ آلہ ہے جو مہنگا ضرور تھا لیکن روایتی ایکس رے کے مقابلے میں زیادہ ریزولیوشن کا حامل تھا۔ یہ سرمایہ کاری خاندان کےلیے ایک سفید ہاتھی بن جاتی ہے اور بالآخر مالی مسائل سے تنگ کرس کی ہلیہ لنڈا (تھانڈی نیوٹن) اسے چھوڑجاتی ہے اور بیٹا کرسٹوفر (جیڈن اسمتھ) بھی اپنے شوہر کے حوالے کر جاتی ہے۔

معاشی تنگی سے نکلنے کے تگ و دو کے دوران کرس کی ملاقات ایک ادارے کے مینیجرڈین وٹر سے ہوتی ہے جو اس کی ریوبکس کیوب (Rubiks Cube) حل کرنے کی صلاحیت سے بہت متاثر ہوتا ہے۔ ڈین سے بننے والا تعلق اسے اسٹاک بروکر کی حیثیت سے کیریئر کا آغاز کرنے کا موقع فراہم کرتا ہے، لیکن بعد ازاں اسے بتایا جاتا ہے کہ اس کام کے لیے اسے کوئی تنخواہ نہیں دی جائے گی بلکہ کام سیکھنے کے بعد 20 میں سے صرف ایک شخص کا انتخاب ہوگا جسے ادارے میں ملازمت فراہم کی جائے گی۔ مرتا کیا نہ کرتا، مشینوں کی فروخت سے کوئی آمدنی متوقع نہیں تھی، اس لیے اس سے ادارے میں شمولیت اختیار کر لی۔

اس کے بعد حالات خراب سے خراب تر ہوتے جاتے ہیں۔ مالک مکان کا کرایہ ادا نہ کر پانے کی وجہ سے گھر چھوڑنا پڑتا ہے، تھوڑی بہت آمدنی حکومت محصولات کی مد میں کاٹ لیتی ہے۔ اس صورتحال میں بچے کو اسکول سے لانے اور لے جانے، پھر اسٹاک بروکر میں بغیر تنخواہ کے کام کرنا، درمیانی وقفے میں اپنی

ایکسرے مشین بیچنا، پھر شام کو بچے کو واپس لینے جانا اور خیراتی ادارے میں پہلے آئیے پہلے پائیے کی بنیاد پر قطار میں لگ کر رات گزارنے کے لیے جگہ حاصل کرنے کی کوششوں میں جتا کرس گارڈنر اس کے باوجود حوصلہ نہیں ہارتا۔ ایک موقع ایسا بھی آتا ہے کہ اسے ریلوے اسٹیشن کے غسل خانے میں اپنے بیٹے کے ساتھ رات گزارنی پڑتی ہے۔

اس تمام صورتحال میں کہ جب اسٹاک بروکر کمپنی میں اس کے 19 مقابل ملازمین جو ایک ملازمت کے حصول کے لیے کام کر رہے تھے، کرس کو ان سے بھی سخت مسابقت کا سامنا تھا۔ اور اپنے کام کو منظم کرنے کے لیے کرس سے کئی حکمت عملیاں مرتب کیں۔

بالآخر کرس ان تمام مصیبتوں سے چھٹکارہ پانے میں کامیاب ہو جاتا ہے اور اسٹاک بروکر کمپنی میں اسے ملازمت مل جاتی ہے۔ آخر میں بتایا جاتا ہے کہ کرس نے بعد ازاں اپنی بروکریج فرم قائم کی۔

اداکار

ول اسمتھ بطور کرس گارڈنر
جیڈن اسمتھ بطور کرسٹوفر گارڈنر جونیئر
تھینڈی نیوٹن بطور لنڈا گارڈنر
برائن ہوو بطور جے ٹوئسٹل

اعزازات

فلم ناقدین نے اس فلم کو بہت سراہا خصوصا ول اسمتھ کی شاندار اداکاری پر آسکر ایوارڈ برائے بہترین اداکار کےلیے بھی نامزد کیا گیا تاہم وہ یہ اعزاز حاصل نہ کر سکے۔ بہترین اداکار کے گولڈن گلوب ایوارڈ کے لیے بھی ول اسمتھ کو نامزد کیا گیا۔

فلم آغاز ہی سے باکس آفس پر کامیاب رہی اور پہلے ہی اختتام ہفتہ پر 27 ملین ڈالرز کی آمدنی کے ساتھ اول نمبر پر آئی۔ فلم نے 30 کروڑ 42 لاکھ امریکی ڈالرز سے زائد کی کل آمدنی حاصل کی۔

ٹریلر

شاشینک ریڈمپشن کی طرح دی گرین مائل بھی اسٹیفن کنگ ہی کے ایک ناول پر مبنی کہانی ہے جو ایک کال کوٹھڑی میں سینئر محافظ کی ذمہ داریاں نبھانے والے پال ایج کومب (ٹام ہینکس) اور سزائے موت پانے والے قیدی جان کافی (مائیکل کلارک ڈنکن) اور قید خانے میں پیش آنے والے مافوق الفطرت و معجزاتی واقعات کے گرد گھومتی ہے۔
یہ فلم چار آسکر ایوارڈز (بہترین معاون اداکار، بہترین فلم، بہترین صوتی اثرات اور بہترین ماخوذ اسکرین پلے) کے لیے نامزد ہوئی تاہم کوئی بھی ایوارڈ حاصل کرنے میں کامیاب نہ ہو سکی لیکن اس کا مطلب یہ نہیں کہ اس فلم میں کوئی کمی ہے۔ کئی فلمیں محض اس لیے اعلی ترین اعزازات سےمحروم رہ جاتی ہیں کیونکہ ان کے مقابلے پر بہت عظیم فلمیں آ جاتی ہیں جیسا کہ شاشینک ریڈمپشن کے مقابلے پر فورسٹ گمپ آئی اور بالکل اسی طرح اس مرتبہ گرین مائل کو امریکن بیوٹی جیسی فلم کا سامنا کرنا پڑا اور وہ اس کے مقابلے میں بہترین فلم کا اعزاز ہار گئی۔
فلم کی سب سے خاص بات اس کے تمام کرداروں کا اپنے کردار میں ڈوب جانا اور ایک یادگار کارکردگی پیش کرنا ہے۔ تین گھنٹے طویل یہ فلم اداکاری کاشاہکار ہے۔ کال کوٹھڑی کا پراسرار ماحول اور جان کوفی کی پراسرار شخصیت اس فلم کی طوالت کو محسوس نہیں ہونے دیتی۔
یہ فلم اس طرح نہیں ہے جو محض چند گھنٹوں میں کسی بھی شخص کی رائے کو بدل کر رکھ دے بلکہ اس کے اثرات کہیں زیادہ گہرے ہیں خصوصاً سزائے موت کی مخالفت میں یہ رائے سازی کے لیے زبردست طریقے سے استعمال کی جا سکتی ہے۔ سزائے موت کے مخالفین اس فلم کو اپنے موقف کی دلیل کے طور پر پیش کر سکتے ہیں کیونکہ اس فلم میں برقی کرسی پر سزائے موت کی ہولناکی کو دکھایا گیا ہے جو ایک تند مزاج محافظ کی گھٹیا حرکت کی وجہ سے بہت زیادہ خوفناک صورت اختیار کر جاتی ہے۔

کہانی

گرین مائل کی کہانی پال ایج کومب (ٹام ہینکس) نامی ایک شخص بیان کرتا ہے جو ایک اولڈ ہاؤس میں اپنی دوست ایلین کو بیان کرتا ہے۔ پال ایج کومب کی عمر 100 سال سے زائد ہوتی ہے اور وہ ایلین کو بتاتا ہے کہ وہ 1930ء کی دہائی میں ایک ایک کال کوٹھڑی میں سینئر محافظ تھا جہاں اس نے ایک ملزم جان کوفی (مائیکل کلارک ڈنکن) کے ہاتھوں کچھ محیر العقول واقعات پیش آتے دیکھے۔ یوں فلم کی کہانی کا آغاز ہوتا ہے۔

فلم کی کہانی کساد عظیم (Great Depression) کے بعد کے زمانے کی ہے۔ فلم کے دوسرے مرکز کردار جان کوفی کو دو بچیوں کو زیادتی کے بعد قتل کرنے کے الزام میں سزائے موت سنا دی جاتی ہے اور یوں وہ اس کال کوٹھڑی میں آتا ہے جو یہاں کے محافظین کے درمیان “گرین مائل” کہلاتی تھی۔ فلم کے دیگر کرداروں میں جیل کا رحم دل محافظ بروٹس اور خودسر و سرکش محافظ پرسی قابل ذکر ہیں۔
ملزم جان کوفی بظاہر تو اپنی طویل قامت ایک دیو دکھائی دیتا ہے لیکن حقیقتاً اتنا ہی نرم دل کا مالک ہے حتیٰ کہ اس نے قید خانے میں پہلی رات کو اہلکاروں سے مطالبہ کرتا کہ وہ روشنی نہ بجھائیں کیونکہ اسے اندھیرے میں ڈر لگتا ہے۔
چند واقعات کے بعد پال جان لیتا ہے کہ جان کے پاس کچھ مافوق الفطرت قوتیں ہیں۔ یوں فلم کی کہانی کا اصل آغاز ہوتا ہے جس میں قید خانے کے ملزمان اور حفاظتی اہلکاروں کے کے درمیان نفسیاتی جنگیں، سزائے موت دیے جانے کے خطرناک مناظر اور سنسنی سب کچھ ہے۔
فلم کا بنیادی پیغام ہے کہ عدالتی فیصلہ ہمیشہ منصفانہ نہیں ہوتا ہے اور معجزات غیر متوقع ترین مقامات پر رونما ہو سکتے ہیں۔
اگر آپ فرینک ڈیرابونٹ کی شاشینک ریڈمپشن دیکھ چکے ہیں اور قید خانوں کے موضوعات پر بننے والی فلمیں پسند کرتے ہیں تو گرین مائل آپ کو مایوس نہیں کرے گی۔

اداکار

• ٹام ہینکس بطور پال ایج کومب
• مائیکل ڈنکن کلارک بطور جان کوفی
• ڈیوڈ مورس بطور بروٹس ہوول
• بونی ہنٹ بطور جان ایج کومب
• جیمز کرومویل بطور وارڈن ہال مورس
• مائیکل جیٹر بطور ایڈورڈ ڈیلاکروئے
• ڈوگ ہچی سن بطور پرسی ویٹ مور
• سام روک ویل بطور ‘وائلڈ بل’ وارٹن

اضافی معلومات

• آئی ایم ڈی بی درجہ بندی 8.4/10
• ریٹنگ: R (تشدد، گھٹیا زبان اور تھوڑے جنسی مواد کے باعث)
• بجٹ: اندازاً 6 کروڑ امریکی ڈالر
• آمدنی: 13 کروڑ 68 لاکھ امریکی ڈالر
• دورانیہ: 189 منٹ (تین گھنٹے 9 منٹ)

یادگار مکالمے

1- پال ایج کومب: تم مجھ سے کیا چاہتے ہو جان؟ کیا تم چاہتے ہو کہ میں تمہیں یہاں سے بھگا دوں، دیکھو تم کہاں تو بھاگ پاؤ گے؟
جان کوفی: تم ایسی بے وقوفانہ حرکت کیوں کرو گے؟
پال ایج کومب:روز حساب کو، جب میں خدا کے حضور کھڑا ہوں گا، اور وہ مجھ سے پوچھے گا کہ میں نے اس کے حقیقی معجزوں میں سے ایک کو کیوں ختم کیا، تو میں کیا کہوں گا؟ یہ کہ یہ میری نوکری تھی؟

2- پال ایج کومب: وہ عام طور پر کال کوٹھڑی کو آخری میل (Last Mile) کہتے تھے لیکن ہم اپنی کوٹھڑی کو سبز میل (Green Mile) کہتے تھے جس کی وجہ ہمارے قید خانے کے فرش کا رنگ تھا۔ ہمارے پاس ایک برقی کرسی تھی، جسے اولڈ اسپارکی کہتے تھے۔ ہم وہاں سالوں رہے ایلی، لیکن 1935ءوہ سال تھا جس سال مجھے اپنی زندگی کا سب سے خطرناک پیشاب کا انفیکشن ہوا۔ یہی جان کوفی اور ان دو مقتول لڑکیوں کا سال تھا۔

اعزازات

گرین مائل چار آسکر ایوارڈز کے لیے نامزد ہوئی لیکن اس سال کی معروف فلم “امریکن بیوٹی” کےہاتھوں ہار گئی۔ جن زمرہ جات میں گرین مائل کو نامزد کیا گیا ان میں مائیکل کلارک ڈنکن کےلیے بہترین معاون اداکار، بہترین فلم، بہترین آواز اور شایع شدہ مواد سے ماخذ بہترین تحریر شامل ہیں۔

ساؤنڈ ٹریک

فلم کا ساؤنڈ ٹریک باضابطہ طور پر 19 دسمبر 1999ء کو وارنر برادرز سے جاری کیا جس میں 35 ٹریکس شامل تھے۔

ٹریلر